రాజన్న సిరిసిల్ల జిల్లాలో పోడు పట్టాల పంపిణీ కార్యక్రమంలో కేటీఆర్

సిరిసిల్ల,జులై 06(mbmtelugunews)ప్రతినిధి మాతంగి సురేష్:రాజన్న సిరిసిల్ల జిల్లాలో మంత్రి కేటీఆర్ పర్యటిస్తున్నారు. ఈ క్రమంలోనే ఆయన తంగళ్లపల్లిలోని వ్యవసాయ కళాశాలలో బాబు జగ్జీవన్‌రామ్‌ విగ్రహాన్ని ఆవిష్కరించారు. ఇందులో భాగంగానే మధ్యాహ్నం పోడు భూముల పట్టాల పంపిణీ చేశారు. ఈ కార్యక్రమంలో మంత్రి కొప్పుల ఈశ్వర్ పాల్గొన్నారు. ఇటీవలే కేసీఆర్ రాష్ట్రవ్యాప్తంగా 1.50 లక్షల మంది రైతులకు పోడు పట్టాలు పంపిణీకి ముఖ్యమంత్రి కేసీఆర్ శ్రీకారం చుట్టారు. ఈ క్రమంలోనే పట్టాలు పొందిన ఆదివాసీ రైతులకు రూ.23.56 కోట్లు విలువ చేసే రైతుబంధు చెక్కులను అందించామని వివరించారు. రాష్ట్రంలో నాలుగు లక్షలకు పైగా ఎకరాల్లో.. పోడు పట్టాలు ఇస్తున్నామని చెప్పారు. ఇక నుంచి ఈ భూములకు 3 ఫేజ్​ కరెంట్​ ఇవ్వాలని.. విద్యుత్​ శాఖకు ఆదేశాలు జారీ చేశారు. పోడు భూముల్లో ఆదివాసీలు బోర్లు వేసుకునేందుకు గిరివికాసం పథకం కింద.. ప్రభుత్వం బోర్లను వేస్తుందని ముఖ్యమంత్రి కేసీఆర్ హామీ ఇచ్చారు.మరోవైపు వివిధ జిల్లాలో మంత్రులు,ఎమ్మెల్యేలు పోడు పట్టాలు పంపిణీ చేశారు.