సమాజంలో ఎంత ఉన్నత స్థాయిలో ఉన్న ఎస్సి,ఎస్టీలు వివక్షకు గురవుతున్నారు:జటోత్ హుసైన్
Mbmtelugunews//హైదరాబాద్,అక్టోబర్ 28 (ప్రతినిధి మాతంగి సురేష్):ఎస్సి,ఎస్టీలు సమాజంలో ఎంత ఉన్నత స్థాయిలో ఉన్న వివక్షకు గురి కావడం బాధాకరమని జాతీయ ఎస్టీ కమిషన్ మెంబర్ జటోత్ హుసైన్ అన్నారు.జాతీయ ఎస్టీ కమిషన్ సభ్యుడిగా నూతనంగా నియమితులైన సందర్భంగా ఎస్బిఐ ఎస్సి,ఎస్టీ ఎంప్లాయిస్ వెల్ఫేర్ అసోసియేషన్ ఆధ్వర్యంలో ఆయనను ఘనంగా సన్మానించారు.హైదరాబాద్ అబిడ్స్ లోని పర్వానా హల్ లో జరిగిన కార్యక్రమంలో ఎస్బిఐ బ్యాంక్ సిజిఎం రాజేష్ కుమార్ తో కలిసి జటోత్ హుసైన్ మాట్లాడారు. 33 ఏళ్ల తరువాత తెలుగు బిడ్డకు ఎస్టీ కమిషన్ సభ్యుడి పదవీ దక్కిందని… జాతి బాగు కోసం తాన వంతు కృషి చేస్తానన్నారు. ఎస్సి,ఎస్టీ చట్టం పట్ల ప్రజల్లో అవగాహన తీసుకొచ్చేందుకు రెండు తెలుగు రాష్ట్రాలలో పర్యటిస్తున్నట్లు తెలిపారు.కొంత మంది ఈ చట్టాన్ని దుర్వినియోగం చేస్తున్నారని…దాని వల్ల నిజమైన బాధితులు నష్టపోతున్నారన్నారు.
