ఆస్క్ ఉచిత పాలిటెక్నిక్, టిజి ఆర్జెసి కోచింగ్ ప్రారంభం
విద్యా మూలాలను సమాజంలోకి పంపించాలనే ఉద్దేశమే ఆస్క్ లక్ష్యం
:ఈ అవకాశాన్ని ప్రతి ఒక్కరూ సద్వినియోగం చేసుకోవాలి.
: ఆస్క్ అధ్యక్షులు బల్గూరి స్నేహ దుర్గయ్య
Mbmtelugunews//కోదాడ, ఏప్రిల్ 14(ప్రతినిధి మాతంగి సురేష్): విద్యా మూలాలను సమాజంలోకి పంపించాలనే ఉద్దేశమే ఆస్క్ లక్ష్యం అని ఆస్క్ అధ్యక్షురాలు బల్గూరి స్నేహ దుర్గయ్య అన్నారు. అంబేద్కర్ ఆశయ సాధన కేంద్రం (ఆస్క్ ) ఆధ్వర్యంలో ఉచిత పాలిటెక్నిక్, టీజీ ఆర్జెసి కోచింగ్ సెంటర్ ప్రారంభం కార్యక్రమాన్ని స్థానిక ఎమ్మెస్ కళాశాల ఆవరణంలో మంగళవారం ఆస్క్ నిర్వాహకులు ఏర్పాటు చేశారు. ఈ కార్యక్రమానికి ముఖ్య అతిథులుగా ఆస్క్ అధ్యక్షురాలు బల్గూరి స్నేహ దుర్గయ్య, ఎమ్మెస్ కళాశాల చైర్మన్ పందిరి నాగిరెడ్డి, షేకు శ్రీనివాసరావు పాల్గొన్నారు. కోచింగ్ సెంటర్ ను రిబ్బన్ కట్ చేసి ప్రారంభించిన బల్గూరి స్నేహ దుర్గయ్య.
అనంతరం డాక్టర్ బాబాసాహెబ్ అంబేద్కర్ 135 వ జన్మదినాన్ని పురస్కరించుకొని ఆయన చిత్రపటానికి పూలమాలలు వేసి నివాళులు అర్పించారు. ఈ సందర్భంగా స్నేహ దుర్గయ్య మాట్లాడుతూ ఆస్క్ ఇన్స్టిట్యూట్ ని గత 15 సంవత్సరాలుగా నిర్వీర్యము లేకుండా ఉచిత కోచింగ్ సెంటర్ నడవడానికి సహకరిస్తున్న ప్రతి ఒక్కరికి పేరుపేరునా ధన్యవాదాలు తెలిపారు. ఈ సంవత్సరం పదవ తరగతి పరీక్షలు రాసిన విద్యార్థులు ఈ ఉచిత పాలిటెక్నిక్ కోచింగ్ సెంటర్ ను ఉపయోగించుకొని మంచి ర్యాంకులు సాధించి కళాశాలలో సీటు సంపాదించుకోవాలని కోరారు. అనంతరం ఆస్క్ అధ్యక్షురాలు స్నేహ దుర్గయ్య జన్మదిన వేడుకలను కేక్ కట్ చేసి ఆస్క్ సభ్యులు ఘనంగా నిర్వహించారు. ఈ కార్యక్రమంలో
బల్గూరి దుర్గయ్య, మాతంగి ప్రభాకర్ రావు, యలమర్తి శౌరి, పులి వెంకటేశ్వర్లు, బొడ్డు .హుస్సేన్, కాసాని శ్రీనివాస్ గౌడ్, కుడుముల స్వామి దాసు,శ్రీనివాస్ రెడ్డి, నందిపాటి .సైదులు, అమరబోయిన వెంకటరత్నం, చేకూరి రమేష్, మేళ్లచెరువు వీరభద్రం, గంధం బుచ్చారావు, చెరుకుపల్లి కిరణ్, మాతంగి సురేష్, కనుకు శ్రీకాంత్ తదితరులు పాల్గొన్నారు.
