కొత్త రకమైన డ్రగ్స్ ను తరలిస్తున్న డ్రగ్స్ మాఫియా
:ప్రైవేట్ బస్సులో పట్టుబడిన డ్రగ్స్
:చాక్లెట్స్ పాన్ మసాలా పాకెట్స్ గా మార్చిన వైనం…
:విచారిస్తున్న ఆబ్కారి పోలీసులు…
Mbmtelugunews//కోదాడ,డిసెంబర్ 29 (ప్రతినిధి మాతంగి సురేష్):తెలంగాణలో గంజాయి పై పోలీసులు నిఘా ఉండడంతో గంజాయి మాఫియా కొత్త రకమైన డ్రగ్స్ వ్యాపారాలను ఎన్నుకుంటున్నారు.వివరాలలోకి వెళితే ప్రైవేట్ బస్సులో డ్రగ్స్ దొరికిన సంఘటన సూర్యాపేట జిల్లా కోదాడ మండల పరిధిలోని నల్లబండగూడెం అంతర్రాష్ట్ర చెక్ పోస్టు వద్ద చోటు చేసుకుంది.వివరాలలో కి వెళితే భువనేశ్వర్ నుంచి హైదరాబాద్ కు వెళ్తున్న ప్రైవేట్ ట్రావెల్ బస్సును తెలంగాణ ఆంధ్ర సరిహద్దు ప్రాంతమైన రామపురం క్రాస్ రోడ్ లో గల అంతరాష్ట్ర చెక్ పోస్టు లో వాహనాల తనీకి చేస్తున్న సమయంలో డ్రగ్స్ ప్యాకెట్స్ ను పట్టుకొని స్వాధీనం చేసుకున్న ఆబ్కారీ పోలీసులు.బస్సులో ప్రయాణిస్తున్న ప్రయాణికులను ఎక్సైజ్ పోలీస్ స్టేషన్ కు తరలించారు.
వాటిని పరిశీలించగా చాక్లెట్,పాన్ మసాలా రూపంలో ఉన్నాయని వాటిని ల్యాబ్ పరీక్షలకు పంపుతామని తెలిపారు.అనంతరం వివరాలు వెల్లడిస్తామని ఆబ్కారీ పోలీసు అధికారులు తెలిపారు.బస్సులో ఉన్న డ్రగ్స్ బ్యాగు తమది కాదు అని ప్రయాణికులు తెలపడంతో ప్రయాణికుల్ని,బస్సు డ్రైవర్ ని ఆబ్కారీ పోలీసులు విచారిస్తున్నారు.కొంతమంది బస్ స్టార్టింగ్ పాయింట్ వద్ద ఎక్కకుండా బంకు వద్ద ఎక్కడంతో వారిని విచారిస్తున్నట్లు తెలిపారు.పట్టుబడిన డ్రగ్స్ ప్యాకెట్ల విలువను అంచనా వేస్తున్నట్లు ఆబ్కారీ పోలీసు అధికారులు తెలిపారు.
